Wo jo khud bina chune ayi thi duniya me
Jis ko chhoda tha bete ki chahat me
Use kaha beti tu chun lena…………..
sabji kya pakani h daal konsi lani h
ghar me chai kise kis waqt pilani
wo boli baba mjhe to bus shiksha pani h
Baba muskura kr bol diye ab chunaw krne ki humari bari h
Jise ladoo bana kanddhe pe baithya
Bade bhai hone par bhi pita jaisa pyar jataya
Use kaha behna tu chun lena…………..
Kya kya tujhe mangana h
Sahar konsa ghoomne jana h
Bhai ki kamai se saheliyan ko Kahan khana khilana h
Wo boli mjhe to bus naukri kr ap jaisa ban k dikhana h
Bhaiya khil khila kar bol diye tumhe ab sirf rasoi me hath batana h
Jise najo se pala, palko pe baithya
Bitiya bitiya kah jiski har zid ko sarhaya
Use kaha beti tu chun lena……………..
Roop konsa, rang konsa
Lehenga se lekar bindi tak ka dhang konsa
Wo boli ma ye sb tum tay kr lo mjhe bus humsafar chunne ka mauka de do
Ma asaab ho kr bol gayi ladki hokar tu hadd se jyaa soch gyi
Jise lakshmi ka swaroop mana
Jisk sath jeevan ka aadhar bnaya
Us sangini se kaha tum chun lena……………….
Ghar kaise sajana h,
Ladke ko kis Naam se bulana h
MA banane pe kaise jashan manana h
Wo boli mjhe to bus ladka ho ya ladki dono ke Jeevan ko utsav banana h....
Pati has kar bol gya ladki hokar tumne Jeevan se kya hi paya h
Jise Ma Ma kahkar har roj uthaya tha
Jisk liye mahal bana dunga aisa sapna dikhaya tha,
Use kaha ma tum chun lena………………...
Tyohar kahan manenge
Mothers’ day pe DP konsi lagaenge
Ma boli beta photo tu koi bhi laga dena
Mjhe bus apne ghar pe rhne ki thodi si jagah de dena
Beta chup sa ho kar rh gya
Bina kuch kahe wahan se chla gya
Kuch yun sb kuch pa kar bhi adhoori rh gyi
Wo aurat chunaw k khel me hamehsa avashesh akeli rh gyi ……
-By Mansi Khare